Қайғылы жағдай бүгін сағат 12-де Киров аялдамасының ауданында болды. Ер адам есін жимастан оқиға орнында қаза тапты. Бұл туралы БҚО денсаулық сақтау басқармасының басшысы Қанат Төсекбаев мәлімдеді.
- Ғұмар Қараш көшесінде қайғылы жағдай болды. Орта жастағы ер адамның басына шатырдағы мұз құлаған. Жедел-жәрдем екі минутта жетті, алайда ер адамның бақилық болғанын байқаған, - дейді Төсекбаев.
Қайтыс болған адамның жасы мен өзге де ақпараттар әлі анықталған жоқ.
Кейін облыстық денсаулық сақтау басқармасы басшысының орынбасары Гүлнәр Әбдірахманова жедел-жәрдем қызметкерлері 11:58-де хабар алғанын айтты.
Әбдірахманованың айтуынша, жедел-жәрдем көлігі 12:00-де оқиға орнына жетті. Басы зақымданған ер адам ауруханаға апарар жолда көлік ішінде көз жұмған.
