*** *** Теледидарларыңның бәрі орысша ғой. Қазақша арна жоқ па? *** *** Президенттерің Астанада да орысша сөйлейді екен, Ә! Сонда қазақ тілін кім қолданады? *** *** Алматыда көше автобустарындағы билетші қыз-жігіттер неге көше атын қазақша айтпайды? *** *** Автобустың аялдамасында қыз бен жігіт сүйісіп тұр. Қасындағылар қой демейді, тіпті қарап та қоймайды. Еттері өліп кеткен ба? *** *** Шошқа етінен жасалған шұжықты жас балалар таласып-тармасып, жетпей қалса жылап, сондай құмарлықпен жейді екен. Әке-шешелері де нанға қосып соғып отыр. Шошқа әлмисақтан харам ғой. Соны түсінбейсіңдер ме? *** *** Халық сақшыдан қатты қорқады екен. Сақшы деген халықты қорғайтын жасауыл, күзет емес пе? *** *** Нарынқолдың Сарбастауында жатқан атам мен апамның басына құран оқығалы бардым. Мені алып барған немере інім бір бөтелке арақ алып алыпты. Бейіт басында соны алып шығып құйып жатыр. Дәрет алатын суы шығар десем, "аруақтар жайлы жатсын!" деп тартып жіберді. Пәтшағарды әбден боқтадым! Қайтар жолда ебіл-дебіл жыладым. *** *** Гресте бір інім 45 жасында қайтыс болыпты. Соның асында болдым. Өлген адамға берілген аста тойға жиналғандай, сөзге таласқан жұрт есімді алды. Құдай-оу, қазалы жерде дұға-тілек қана болушы еді. Бұлар өлген адамның суретіне қарап алып, сонымен әңгімелесіп, соған қарап, жылап, сырласады екен. Тіпті бейіт басына суретін іліп қояды екен. Бұл ең жаман әдет қой. (Жарас Кемелжанның фейсбуктегі парақшасынан)