Әлеуметтік желіде АҚШ және КХДР басшыларының кездесуінен видео жарияланды. Кездесудің басында екі ел басшылары камера алдында күлімдеп қол алысты.

Ким Чен Ын мен Дональд Трамп сейсенбі күні таңертең Сингапурда КХДР мен АҚШ-тың алғашқы саммитінде кездесті.

«Біз бұл жерге аяққа тұсау болған бұрынғы кедергілердің бәрін артқа тастап келдік», - деді Солтүстік Кореяның басшысы.

«Бұл рас», - деп растады Трамп.

.@POTUS Donald J. Trump meets with North Korean leader Kim Jong Un at the #SingaporeSummit. pic.twitter.com/L3BcOPP26J

— Department of State (@StateDept) June 12, 2018

Кездесу протоколда жоспарланғандай 45 минутқа созылды. АҚШ Президенті келіссөздерің сәтті өткенін, арадағы үлкен кедергілердің ретке келгенін айтты.

Журналистер үш мәрте жолдаған ядролық қарудан бас тарту туралы сауалға Ким Чен Ын жауап  берген жоқ.