Норвегия депутаттары АҚШ президенті Дональд Трампты Корей түбегінің ядролық қарусыздануына үлес қосқаны үшін Нобель сыйлығына ұсынуды ұсынды. Бұл жайында Интерфакс хабарлайды.
Трампты Нобель сыйлығына ұсынудың бастамашылары Норвегияның «Прогресс» партиясының екі мүшесі болды. Алайда 2018 жылғы жүлде үшін кандидатурасы қаңтар айынан кешіктірілмей ұсынылу керек. Осылайша америкалық басшы марапатты 2019 жылы ғана ала алады.
Ағымдағы жылдың мамыр айының басында Оңтүстік Кореяның президенті Мун Чжэ Ин Трампты жүлдеге ұсынуға ұсыныс жасады. Депутаттар да Солтүстік Кореяның ядролық қарусыздануы мен Корей соғысының аяқталуы Нобель сыйлығын алуға тұрарлық жетістік деп санайды.
Пікір қалдыру