Жаннат Сатыбалдина "Қазақстанның Халық банкі" АҚ басқарма басшысының орынбасары болып тағайындалды, - деп хабарлайды Qamshy.kz ақпарат агенттігі Tengrinews.kz cайтының дерегін негізге ала отырып.   

Жаннат Сатыбалдина 1961 жылы дүниеге келген. 2002-2006 жылдары бас есепші, "Қазақстан темір жолы" АҚ қаржы жөніндегі басқарма директоры мен вице-президент болып қызмет істеген.

2006-2009 жылдары Жаннат Сатыбалдина "ҚазТрансОйл" АҚ экономика жөніндегі бас директордың орынбасары мен "Қазақстан Халық банкінің Жинақтаушы зейнетақы қоры" АҚ директорлар кеңесінің мүшесі болып жұмыс істеген.

2014 жылдың шілдесінен 2016 жылдың маусымына дейін "Қазақстан Халық банкі" басқарма төрағасының орынбасары қызметінде болып, кейіннен "Казкоммерцбанк" АҚ-қа дәл сол қызметке ауысқан.