Бүгін Алматы қаласы Өңірлік коммуникациялар қызметі алаңында -  "ҚазжолҒЗИ" АҚ президенті, техника ғылымдарының докторы, профессор, академик Телтаев Бағдат Бұрханбайұлының қатысуымен баспасөз конференциясы өтті.

Бағдат Бұрханбайұлының сөзіне сүйенсек,   институт ғылыми және ғылыми-техникалық жұмыстармен айналысу үшін Ғылым және білім Министрлігі тарапынан аккредитацияланған. Сынақ зертханасы техникалық құзыреттілікке Мемстандартпен аккредитацияланған. Институт сапа менеджменті сәйкестігінің сертификатына ие. Институт  базасында стандарттау жөніндегі техникалық комитеті ТК-42 «Автомобиль жолдары» құрылып, жұмыс атқаруда.

Институттың соңғы жылдардағы негізгі қызмет бағыттары:

• автожол саласының нормативтік-техникалық базасын жетілдіру;
• жолдар мен көпір құрылыстарының техникалық деңгейін көтеру, ұзақ мерзімді болуы мен үнемділігіне және қозғалыстың қауыпсіздігін арттыруға бағытталған жаңа техникалық шешімдерді әзірлеу мақсатында ғылыми зерттеулерді жүргізу;
• инновациялық технологиялар мен материалдарға байқау жүргізу, енгізу және оларды кең ауқымда пайдалану үшін нормативтік-техникалық құжаттар әзірлеу;
• инновациялық шешімдерді енгізуде ғылыми-техникалық ілеспе жұмыстар;
• жолдар мен көпір құрылыстарын диагностикалау, жолдар мен көпірлерді басқару жүйесін әзірлеу;
• қаржыландыру нормативтерін, жолдарды жөндеу және күтіп ұстау жұмыстарының нормалары мен бағаларын негіздеу;
• жолдар мен көпір құрылыстарының құрылысы мен қайта құрылымына, күрделі жөндеу жұмыстарына жаңа техникалық шешімдерді қолдану арқылы жоба-сметалық құжаттама әзірлеу;
• материалдар мен жұмыстар сапасының тәуелсіз сараптамасын жасау;
• жол саласы қызметкерлерінің біліктілігін арттыру;
• ақпараттық қамтамасыз ету.