Еліміздегі аралас ережесіз жекпе-жек арланы Қуат Найман Хамитовтың келесі жекпе-жегі 26-сәуір күні Мәскеу қаласында өтетін болды. Бұл туралы Найман өзінің инстаграм парақшасында жариялады.

Екі спортшы да жеңіл салмақта (70 кг.) өнер көрсетеді. Қарсылас Әзербайжан елінің спортшысы – Нариман Аббасов. Бұл жолы қарсыластар FIGHT NIGHTS GLOBAL белдігіне  таласатын болады. Әзербайжан спортшысы Нариман Аббасов осы уақытқа дейін 20 кездесу өткізіп, оның 3-еуінде жеңіліске ұшыраған.

Қазіргі таңда қазақ спортшысы Қуат Найман Тайланд елінде жаттығу жұмыстарын жүргізіп, бәсекеге қызу дайындық үстінде.

Естеріңізге сала кетейік, 2017 жылдың қараша айында Қуат Найман ирландиялық  атақты Макгрегор Конордың спарринг серіктесі Питер Куиллимен кездесіп жеңіске жеткені белгілі. Бірақ артынан бұл тайталасты қайта қараған Ресей ММА Одағының тәуелсіз апелляциялық комиссиясы Найманның жеңісін жоққа шығарды. Комиссия "есеп тең аяқталды" деген шешім шығарды.