Үйге қайтып бара жатып анадай жерде көр-жер сатып жатқан тәжіктің кемпіріне бұрылдым. Бірер стакан шемішке алып, үйге дейін шекілдетіп бармасам. - Шемішкеңізден бір стакан беріңіз, апа. - Ала ғой. Бірақ бүгін бұл да қымбаттады. - Неге? - Бензин көтеріліп кетті ғой, балам, - дейді ол ұлты тәжік болса да, таза қазақ тілінде. - Шемішкенің бензинге не қатысы бар? - Бәрі қымбатттады. Ал мен аштан өліп қалмауым керек. Мына шемішкеден ол байып та кетпейді, мұны сатпаса аштан өліп те қалмайды. Бірақ ол мына жерде әр стакан шемішкенің үстінен табатын 5-6 теңге пайдасына бола отыр емес пе? Үйге жеттім. Келіншегім көңілсіз. Әйтпесе, бүгін қалаға барып қайтқан. Шамасы, біреумен сөзге келіп қалған-ау... - Неге көңілсізсің? - деймін. - Жәй. Бензин қымбаттапты. Демек, базардағы баға көтерілген. Мұның үйден жоспарлап шыққанындай болмай қалған. "Үйдегі көңілді базардағы нарық бұзады" дей ме? Телефоным шырылдады. - Алло? - Мәке қалайсың? Той бар еді. Атқарып беру бағасы қанша? - деді телефонымның ішінен бір таныс дауыс. "Бензин қымбаттады" деп мен де бағаны көтерсем бе екен" деп ойладым. Ал, тәуекел! - Ау, оның қымбаттау сияқты ғой. Сәл түссей? - Бензин қымбаттады ғой. - Сол бензиннің қымбаттағаны маған да пәле болды. Той жасаймын деп шығынға баттым. Дастархан қымбатқа түсті. Арзан бағаға өткеріп бер. Өнеріңді ешкімнен сатып алған жоқсың ғой. Дауай, ынсапты ұмытпа... "Бензин қымбаттады" әдісі маған келгенде жұмыс жасамай қалды. Мықтыбек Оразбайұлы, Facebook парақшасынан