Алматы облысының әкімі Амандық Баталов екі бірдей аудан әкімін тағайындады деп жазады Qamshy.kz ақпарат агенттігі. 

Қаратал ауданына Президент Әкімшілігінің келісімімен және мәслихат депутаттарының қолдауымен Қайрат Найманбайұлы Бұлдыбаев тағайындалды. Бұрын ол Талдықорған қалалық мәслихатының хатшысы қызметін атқарған.

Қаратал ауданының экс-әкімі Рауан Рақымбеков Ескелді ауданының әкімі болып тағайындалды.

"Кеше Президент Қасым-Жомарт Тоқаевтың төрағалығымен Үкіметтің кеңейтілген отырысы өтті. Біз тапсырма алдық, бізге жауапкершілік жүктелді және артқан сенімді ақтауымыз керек. Ең алдымен біз елдің әлеуметтік саясатын іске асыруды қамтамасыз етуге тиіспіз. Инвесторлармен жұмыс істеу және халықтың өмір сүру сапасын жақсарту. Бүгінгі кадрлық өзгерістер өңірлерде кездейсоқ емес. Ескелді және Қаратал аудандары аграрлық аймақтар болып табылады. Сіздердің алдарыңызда егіннің сапасын жақсарту және ауыл шаруашылығын жаңғырту міндеті тұр", - деді облыс әкімі Амандық Баталов.