Қазақстандықтар Нұр-Сұлтан уақыты бойынша түнгі сағат екіде айдың тұтылғанын бақылай алды деп хабарлайды Qamshy.kz ақпарат агенттігі. 

Еліміздің аумағында оның ең жоғарғы фазасы көрінді – ал жердің көлеңкесі бұл жолы айды 66 пайызға жапты. 

Айдың тұтылғанын Қазақстанмен қатар Ресей, Украина  секілді елдер бақылай алды. 

Бұл биылғы жылы орын алған төртінші құбылыс.

26 желтоқсанда бесінші, 2019 жылдағы ең соңғы тұтылу орын алады. Ол сақинатәрізді болады. Демек, ай күннің бетін толықтай жаппайды. Аспанда жарқыраған жүзік тәрізді көрініс көрінеді. Мұндай ғажап көріністі тек Сауд Арабиясында, Үндістанда, Индонезияда ғана бақылауға мүмкін болады. Ал қазақстандықтар тек таңға жуық тұтылудың ең соңғы сәтін ғана көре алады.