Аудандық Мәдениет үйінде «Ақжарма» фольклорлық ансамблінің және «Жорға» халық би ансамблінің шығармашылық концерті өтті. Облыс орталығында Шыңғыс Айтматов туындысының желісі бойынша сахналанған Н. Жантөрин атындағы облыстық музыкалық-драма театрының «Ана - жер ана» спектаклі өтті. Бұдан басқа, Павлодар облысына Маңғыстаудан бизнес делегация келді. Кәсіпкерлер «Казэнергокабель» АҚ, «Павлодар» АЭА, «KSP Steel» ЖШС, «Компания Нефтехим LTD» ЖШС-ға барды. Маңғыстау бизнесмендерімен кездесу барысында Павлодар облысының агрошаруашылығы «Маңғыстау жеміс-көкөніс терминалы» ЖШС-мен жалпы сомасы 7,5 млрд теңгеге 100 мың тонна картоп, 50 мың тонна жеміс жеткізуге уағдаласты. Маңғыстау облысының Мәдениет күндері аясында Естай атындағы Мәдениет сарайында Гала-концерт өтеді. Маңғыстау облысының Мәдениет күндері 27 маусымда «Серпер» сыйлығының лауреаты, «Құрмет» орденінің иегері Тамара Асардың концертімен аяқталады.