Бірінші жартылай орта салмақта сынға түсетін қазақстандық боксшы Батыр Жүкембаев мексикалық Мигель Васкесті жеңді деп хабарлайды Qamshy.kz ақпарат агенттігі.
Жекпе-жек Канаданың Монреаль қаласындағы үлкен бокс кешінде өтті. Боксшылар WBA Continental және IBF Inter-Continental титулдарын сарапқа салған.
Жүкембаев - Васкес жекпе-жегі жоспарланған 10 раундқа созылды. Нәтижесінде төрешілердің барлығы жеңісті (100:90, 99:91, 99:91) Жүкембаевқа берді.
28 жастағы Жүкембаев кәсіпқой рингте әлі жеңілмеген спортшы. Ол 17 жекпе-жегінің 13-ін мерзімінен бұрын аяқтап, жеңісе жеткен.
Ал бұған дейін 41 жеңісі болған 32 жастағы Васкес тоғызыншы рет жеңіліп отыр.
Пікір қалдыру