Мәскеудің батысында көппәтерлі тұрғын үйде жарылыс болып, соңы өртке ұласты – деп Qamshy.kz ақпарат агенттігі хабарлайды, ТАСС агенттігіне сілтеме жасап.
"Удальцов көшесі, 16 үйде жарылыс болып, соның салдарынан пәтерлер арасындағы қоршаулар қираған. 17 адам құтқарылды", – деді агенттігінің дереккөзі.
Оның айтуынша, үйден 50 адам эвакуацияланды.
Жарылыстан кейін өрт шыққан. Жедел қызметтегі дереккөз де екі адамның зардап шеккенін хабарлады.
Мәскеу ТЖМ баспасөз қызметінің мәліметінше, 5-7 қабаттарда балконнан өрт шыққан.
"Өрт ауыздықталды, жалын 60 шаршы метр аумақты қамтыған", – деп хабарлады ведомстводан.
Пікір қалдыру