Қытай мемлекеттік денсаулық сақтау комитетінің хабарлауынша, коронавирустың жаңа түрімен туындаған пневмониямен ауыратындардың саны 20 438 адамға жетті, одан 425 науқас қайтыс болды. Бұл туралы ria.ru хабарлайды.
Ресми мәліметтерге сүйенсек, бір күн бұрын індеттен ауыратындар саны 17 205 жетсе, оның 361 қайтыс болған.
Қазіргі таңда 2788 адам ауыр халде жатыр, 632 науқас ауруханадан шығарылды. Өткен тәулікте 3235 жаңа жағдайы расталды. Ал, Гонконг, Макао және Тайваньда коронавирустың жаңа жағдайы тіркелмеген.
Сондай-ақ, ҚХР-да 23 214 пациенттен коронавирустың басқа түрі шығуы мүмкін деп күдік бар. Қазір 171,3 мыңға жуық адам бақылауда тұр.
Пікір қалдыру