Коронавирустың жаңа түрінен қайтыс болғандар саны бүгінгі ақпараттар бойынша 724 адамға жетті, 34 мың адам вирусты жұқтырған, 2050 адам сауығып шықты. Бұл туралы South China Morning Post хабарлайды.
Осылайша құрбан болғандардың саны тәулігіне 88 адамға артты. Бір күн бұрын ресми түрде 636 адамның қайтыс болғаны және 31 мың пациент ауруханада жатқаны мәлім болған.
Көз жұмғандар мен вирусты жұқтырғандардың көбі "2019 NCoV" коронавирусының таралу ошағы Уханьда (Хубэй провинциясы) тіркелген. Қытайдың басқа провинцияларында тағы бірнеше адам қайтыс болды.
Пікір қалдыру