Қазақстанның кейбір аймақтарынан алтын кені табылуы мүмкін деп жорамалдануда. Бұл туралы толығырақ экология, геология және табиғи ресурстар министрі Мағзұм Мирзагалиев айтты.
– Қостанай облысының аудандары, Орталық және Шығыс Қазақстан арасындағы аумақ, Қырғызстанға іргелес жатқан елдің оңтүстік бөлігінде алтын кен орындарының болашағы зор, – деді Мирзағалиев.
Сондай-ақ үкімет отырысында министр қорғасын-мырыш кен орындары туралы айтып, оларды Қазақстанның орталық, оңтүстік бөлігінде және Кенді Алтайда ашуға болады деп атап өтті.
Мағзум Мырзағалиевтің айтуынша, вольфрам молибден алюминий қалайы және тағы да басқа сирек кездесетін пайдалы қазбалардан жаңа кен орындарын ашуға болады.
Пікір қалдыру