Қазақстандық теннисші Ярослав Шведова коронавирусқа байланысты карантинге жатқызылды. Бұл туралы спортшы инстаграмда жазды.
– Бәріне карантиннен сәлем! Қазақстанның көптеген тұрғыны 12 наурызда Мәскеуден Нұр-Сұлтанға бағыт алған рейс туралы, осы рейсте Миланнан коронавируспен ұшқан бір жолаушы болғанын естіген шығар. Мен де сол рейсте болдым – "Индиан-Уэллс" болмай қалғаннан кейін Калифорниядан отбасыма ұшып келгенмін. Көп ұзамай осы рейстегі барлық жолаушы сияқты мені де стационарлық карантинге жапты, – деп жазды Шведова.
Пікір қалдыру