Бүгін Тұңғыш Президент Нұрсұлтан Назарбаевтың өз еркімен отставкаға кеткендігіне бір жыл толды. Елбасы өзінің саяси ықпалының шыңында отставкаға кетті, деп ҚР президентінің кеңесшісі Ерлан Карин Telegram-да жазды.

– Ол өз өкілеттіктерін президенттік мерзімінің соңына дейін тиімді қолдана алды. Бұған халықтың кең қолдауын көрсеткен барлық президенттік сайлау нәтижелері дәлел бола алады. Қазақстандықтар үшін Назарбаев ұлтты біріктіретін бірлік, келісім, тұрақтылық сияқты құндылықтардың жарқын бейнесі болды. Бірақ, соған қарамастан, Тұңғыш Президент жауапты саясаткердің үлгісін тағы да көрсетті, – деп жазды Ерлан Карин.

Ол бір жыл бұрын Нұрсұлтан Назарбаевтың президенттік мандатты өз еркімен отставкаға кетіру туралы шешімі көпшілік үшін күтпеген еді, бірақ қазір оның барлығы қаншалықты көрнекі болғанын бәрі түсінетініне сенімдімін деп атап өтті.

– Қиындықтарға қарамастан, ол елді қайта құруға дайындай алды және биліктің жеңіл транзитін қамтамасыз етті. Нәтижесінде, 2019 жылдың 9 маусымында қазақстандықтар өз бағытын жалғастыруға дауыс берді. Қазақстанның саяси тарихының жаңа күнтізбесі басталды. Осы жыл ішінде болған дүнелер бәріміз үшін бұл оңай болған жоқ. Жаңа Президент Қасым-Жомарт Тоқаев дамудың бұрынғы бағытын жалғастырып, жаңа туындаған мәселелерді шешуі керек еді. Бірақ мемлекеттің жаңа сынақтарды жеңгені - Тұңғыш Президенттің мемлекеттің іргетасын қаншалықты берік құрғандығын көрсетті, – деп жазды.

Сондай-ақ ол бүкіл әлем пандемиямен күресіп жатқанда, әртүрлі елдерде төтенше жағдай режимі енгізіліп, шекаралар жабылса да, Қазақстан билігінің тез әрекет етуге және белсенді болуға қабілеттілігін көрсетті деп атап айтты.

– Мемлекеттік аппарат үздіксіз жұмыс істейді. Дәл осындай сәттерде біздің берік іргелі мемлекет болғандығымыз және күрделі мәселелерді шешуге қабілетті екендігіміз айқын көрінеді, - деп президентінің кеңесшісі сөзін түйіндеді.