Нұр-Сұлтан – Алматы бағытындағы ұшақ билетінің бағасы бекітілді. Бұл туралы ҚР Индустрия және инфрақұрылымдық даму министрлігінің Тelegram парақшасында жарияланды.

"Мемлекет басшысының тапсырмасына сәйкес төтенше жағдай режимін қамтамасыз ету жөніндегі мемлекеттік комиссия осы жылдың 1 мамырынан бастап күніне 4 рейс жиілігімен Нұр-Сұлтан және Алматы қалалары арасында әуе рейстерін ашу туралы шешім қабылдады. Сұраныс жоғары бағыт бойынша ұшудың басталуы – саланы қалпына келтірудің алғашқы қадамы болмақ. Әуе рейстері ҚР ДСМ Көліктегі бас санитар дәрігер белгілеген санитарлық қауіпсіздік талаптарын сақтау арқылы орындалады. Қазақстан әуе компаниялары күрделі жағдайды түсіне отырып, билет бағасын сатып алу күні мен уақытына байланысты 7-ден 30 мың теңгеге дейінгі аралықта белгіледі" делінген министрлік таратқан хабарламада.

Министрліктің айтуынша алдағы уақытта, жағдай жақсарған кезде ішкі рейстер санын және әуе кемелерінің сыйымдылығын арттыру мәселесі қарастырылады.

Еске сала кетейік, Нұр-Сұлтан мен Алматы арасындағы әуе рейстерінің кестесі жарияланды.