ҚР Президенті Қасым-Жомарт Тоқаевтың Жарлығымен блокпостағы апат кезінде көз жұмған екі полиция қызметкері мемлекеттік наградалармен марапатталды, деп хабарлады Ақорда.

"ҚАУЛЫ ЕТЕМІН:

1. Қызметтік борышын үлгілі атқарғаны, құқық тәртібін қамтамасыз етуге белсене қатысқаны үшін наградталсын:

ІІ дәрежелі «Айбын» орденімен

Жанғазиев Жарас Сұлтанғалиұлы (марқұм) – Ішкі істер министрлігі Алматы қаласының Полиция департаменті Патрульдік полиция полкінің қызмет инспекторы;

ІІІ дәрежелі «Айбын» орденімен

Абдықанов Дастан Маратжанұлы (марқұм) – Ішкі істер министрлігі Алматы қаласының Полиция департаменті Патрульдік полиция полкінің полицейі.

2. Осы Жарлық қол қойылған күнінен бастап қолданысқа енгізіледі.

Қазақстан Республикасының

Президенті Қ.Тоқаев

Нұр-Сұлтан, Ақорда, 2020 жылғы 26 мамыр

№ 339"

Еске сала кетсек, қайғылы оқиға 25 мамыр күні таңға жуық № 4 блокпоста болған. BMW жүргізушісі мас күйінде бетон қоршауға соғылып барып, инерциямен патрульдік полиция көлігін соққан. Қайғылы оқиғадан екі полиция қызметкері көз жұмды.