Алматы қаласының санитарлық-эпидемиологиялық бақылау департаменті сайтында қаланың бас санитар дәрігері Жандарбек Бекшиннің жаңа қаулысы жарияланды.

Құжатта қазан айында КВИ жұқтыру жағдайы екі есеге 165-тен 360-қа дейін өскені айтылған.

Коронавирус инфекциясы жағдайларына эпидемиологиялық тексеру жүргізілді. Нәтижесінде адамдар індетті ұжымда, қоғамдық орындарда, соның ішінде көпқабатты тұрғын үйлердің кіреберістерінде, қоғамдық көлікте жұқтырғаны және жасы 60-тан асқан адамдар жиі жұқтыратыны анықталды.

Қаулыға сәйкес төмендегідей шаралар қаьбылданды.

– аптасына 3 рет кіреберістерді, көпқабатты үйлердің баспалдақтарын, тұтқаларды, қабырғаларды, есік тұтқаларына дезинфекция жасау, балалар ойын алаңдарын және тұрғындардың демалатын орындарын (орындықтар) үйлердің айналасын күнделікті тазалаумен дезинфекциялау керек;

– қоғамдық көлік ішін соңғы аялдамада міндетті түрде дезинфекциялап, жуу керек.

– офистер мен мекемелерді күнделікті дезинфекция жасау қажет.