"Білекке сенген заманда ешкімге есе бермедік, білімге сенген заманда қапы қалып жүрмелік". Бұл Абылай ханнан қалған өсиет. Ақ найзаның ұшы, ақ білектің күшімен елін қорғап, ұланғайыр атырапты мирас етіп қалдырған бабалар күштің емес, білім заманының келетіндігін болжағаны. Өскелең ұрпақта осы бір нақылды бойына сіңіріп, жаһанданған 21 ғасырда ешкімге есе бермеуге талпынуда.

Осы мақсатта Алматы қаласы, физика-математика бағытындағы Назарбаев Зияткерлік мектебінің оқушылары Аманмырза Жүсіпхан мен Абжанов Алиханның IT саласындағы авторлық жаңа жобалары abai.online көпшілікке жол тартты. Бұл платформа арқылы оқушыларымыз еліміздің жарқын болашағы тікелей байланысты IT саласындағы мамандардың жетіспеушілік мәселелерін шешпек ниетте. Веб-сайттың нысандағы аудиториясы еліміздің IT саласына қызығушылығы бар жастары. Ең бастысы осы салаға құлшынысты кез-келген жан abai.online қауымдастығына мүше бола алады. Жоба авторлары Қазақстанның түпкір-түпкірінен IT саласына қызығушы мүдделес жастардың басын қосып, қарқынды жұмыс жасап, әлемдік аренадағы ақпараттық технологиялық бәсекеде елімізді алдыңғы қатарлы мемлекеттер көрінетініне сенімді.

Ab.ai - программалауды тəлімгерлік оқытуға арналған Қазақстандағы ең ауқымды платформа. Бұл жоба еліміздің түкпір-түкпіріндегі IT аясында жүрген мұғалімдер мен оқушыларды байланыстырады.

Ab.ai мүдделес адамдар қауымдастығын құра отырып, болашағы жарқын мамандықты дəріптеуді көздейді. Мұның арқасында Қазақстан əлемдік аренада ақпараттық технологиялар саласынан алғашқы санаттарға ілігеді деп кəміл сенеміз.

Бастысы - кез келген адам тегін түрде тəлімгердің немесе оқушының жолын таңдап, бұл қауымдастықтың мүшесі бола алады.

Зияткерлерімізге сәттілік тілеп, баршыңызды осы жобаға атсалысуға шақырамыз.

Толық ақпарат:
☎️+ 7 (777) 472 - 88 - 69
+ 7 (705) 279 - 10 - 00
? abai.connect@gmail.com

@amantobonis
@alikhan.abzhanov