Қостанайда карантиндік шектеу шаралары күшейтіледі. Бұл туралы облыс әкімі Архимед Мұхамбетов мәлімдеді. 

– Кейбір кәсіпкерлік субъектілері енгізілген шектеу шараларына қарамастан бас санитар дәрігердің қаулысын өрескел бұзуы облыстағы эпидемиологиялық жағдайдың нашарлауына әкеп соғады. Осыған байланысты жедел штаб бір апта мерзімге қосымша шектеулер енгізу туралы шешім қабылдады, – деді ол.

Жедел штаб келесі шараларды қабылдауға шешім қабылдады:

• жабық спорт нысандарының жұмысына тыйым салу;
• қоғамдық тамақтану орындарында бір үстел басында 4 адамнан артық болмауға рұқсат етіледі. Алып кету және жеткізу жұмыстары 22:00-ге дейін шектелген;
• қала сыртындағы жол бойындағы сервис қоғамдық тамақтандыру пункттеріне уақыт бойынша өзімен алып кетуге және жеткізуге ғана жұмыс істеуге рұқсат етілген;
• бассейндердің, оның ішінде моншалар мен сауналардың жұмысына тыйым салынады;
• сауналар мен моншалардың жұмысы 9:00-ден 19:00-ге дейін шектелген;
• санаторийлер мен демалыс базаларының жұмысы тоқтатылды;
• демалыс және мереке күндері авто және ауыл шаруашылығы техникаларына арналған қосалқы бөлшектерді сататын дүкендердің жұмысына тыйым салынады;
• медициналық-әлеуметтік саланың жұмысы карантин режиміне ауыстырылады;
• балалар секцияларының, үйірмелер мен факультативтердің жұмысына тыйым салынады;
• профилактикалық егулерден басқа, жоспарлы скринингтер көрсету тоқтатылады;

Сондай-ақ облыс әкімі халықтың тыныс-тіршілігін қамтамасыз ету ұйымдарының қызметкерлерінен басқа, медициналық көрсеткіштер бойынша кететін адамдарға, транзиттік жолаушылар мен автотасымалдаушыларға облыс аумағына және Қостанай мен Рудный аумағына кіруге/шығуға тыйым салынатынын атап айтты.