Бұл жайында бүгін «Nur Otan» партиясы атынан Қызылорда облыстық мәслихат депутаттығына үміткер Шаутай Тілеуберген "Nur Otan" партиясының сайлауалды бағдарламасын түсіндіру мақсатында ауданның білім саласы өкілдерімен өткен кездесуде айтты.

Шиелі ауданының мәдениет үйінде өткен бұл жүздесуге Шиелі аудандық мәслихат депутаттағына үміткерлер Патима Маханбет, Насырбек Мырзабеков, Серік Мүліков, Бәкір Бекжан және Ғалымжан Әлтаев та қатысты. Басқосуда алдағы бес жылда көзделген негізгі міндеттер жоғары және бірінші санаттағы оқытушылар құрамы үлесін көтеру, ауылдық елді мекендердегі кадр тапшылығын жою, аудандағы 4 негізгі мектепті кезең-кезеңімен жаңа модификациялы кабинеттермен жабдықтау, білім беру объектілерінің материалдық-техникалық базасын нығайту, аз қамтылған және көп балалы отбасылардың балаларына әлеуметтік көмек көрсету, педагогтарды киберпедагогика негіздері және қашықтан оқыту форматының әдістемесі бойынша оқыту мәселелері сөз болды.

«Nur Otan» партиясы еліміздің жетекші саяси күші ретінде халқымыздың бірлігіне, еліміздің гүлденуіне және әрбір қазақстандықтың игілігіне жұмыс жасауды жалғастырады. Біздің алдымызға елдің сенімін ақтау міндеті тұр. Облыстың әрбір тұрғынының жайлы өмір сүруі, дамуы үшін барлық мүмкіндіктерді жасаймыз. Өңіріміздегі партияның әрбір бастамасына куә болып келе жатқан Сіздерді ондағы міндеттерді бірлесіп жүзеге асыруға «Nur Otan» партиясын қолдап дауыс беруге шақырамын, – деді үміткер Шаутай Тілеуберген кездесу барысында.

Айта кетейік, 2025 жылға қарай жоғарғы және орта білім беру ұйымдарына түскен мектеп бітірушілердің үлесі мен инклюзивті білім беруге жағдай жасап отырған мектептер санын арттыру жоспарлануда. Үміткерлер осындай емен-жарқын кездесу, еркін әңгімеден соң, үгіт-насихат парақтарын таратты.

«Nur Otan» партиясы Қызылорда облысының Сайлау қорының қаражатынан төленді