Алматы Орталық саябағы (бұрынғы Горкий паркі) аумағында Абай атындағы Қазақ ұлттық университеті студенттеріне арнап жатақхана салу жоспарлануда. Осыған орай алматылықтар 1 наурызда өтетін қоғамдық тыңдауға қатысып, пікір білдіре алады, деп хабарлады informburo.kz сайты.
Қоғамдық тыңдау барысында алтықабаттық жатақхана құрылысының қоршаған ортаға әсері бағаланбақ. Жиын 1 наурызда сағат 10:00-де Алматы қаласы Орталық саябақ 10-үй мекенжайында өтеді.
Астыңғы қабаттан тұратын 327 орынға шақталған жатақхана саябақтың оңтүстік шығыс жағында, волjтрек маңында салынады деп жоспарланған.
Жер телімінің қолданылу мақсатын өзгерту туралы қаулыға Алматының экс-әкімі Бауыржан Байбек 2018 жылы қойған.
Қоғамдық тыңдауды ұйымдастыруға Алматы қаласы Жасыл экономика басқармасы жауапты. Құрылысқа Абай атындағы Қазақ ұлттық университеті тапсырыс берген.
Мәселеге байланысты талап-тілекті қоғамдық тыңдау өтерден 3 күн бұрын аlmansur_almaty@mail.ru электрондық поштасына жолдауға болады.
Пікір қалдыру