Қазақстанның тұңғыш президенті Нұрсұлтан Назарбаев Семейдегі "Абай арена" стадионын "Елбасы арена" деп атауға қарсы. Бұл туралы Назарбаевтың баспасөз хатшысы Айдос Үкібай Twitter-дегі парақшасында жазды.  

"Әлеуметтік желілер мен БАҚ-та ШҚО белсенділерінің "Абай арена" стадионының атауын өзгерту туралы ұсынысы талқылануда. Елбасы әрдайым өзіне қатысты мұндай "құрмет-қошеметке" қарсы. Нұрсұлтан Назарбаевтың пікірінше, стадион қазақтың ұлы ақыны әрі философының атында қалуға тиіс" делінген жазбада.

Бұған дейін Семейдегі "Абай арена" стадионына Қазақстанның тұңғыш президенті Нұрсұлтан Назарбаевтың есімін беру ұсынылған.

Әлеуметтік желілер мен БАҚ-та ШҚО белсенділерінің «Абай арена» стадионының атауын өзгерту туралы ұсынысы талқылануда. Елбасы әрдайым өзіне қатысты мұндай «құрмет-қошеметке» қарсы. Н.Назарбаевтың пікірінше, стадион қазақтың ұлы ақыны әрі философының атында қалуға тиіс

— Aidos Ukibay (@Aidos_Ukibay) March 18, 2021