Алматы қаласының бас санитар дәрігері Жандарбек Бекшин коронавирустық инфекцияның алдын алу үшін қатаң карантин шаралары енгізілетінін ескертті.

Жаңа қаулыға сәйкес:

• мерекелік, ойын-сауық, көпшілік мәдени, білім беру іс-шараларды, көрмелерді, корпоративті, форумдарды, конференцияларды, сондай-ақ отбасылық, естелік іс-шараларды өткізуге тыйым салынады;
• Наурыз мейрамын және басқа да іс-шараларды тойлауды жаппай ұйымдастыруға тыйым салынады;
• балаларды сауықтыру лагерлерінің қызметі тоқтайды;
• қоғамдық көлікте, таксиде, метрода, әуежайларда санитарлық және дезинфекциялық жұмыстар жүргізіледі;
• білім беру мекемелерінде тамақтану орындарының жұмысы тоқтайды;
• сауда орталықтары мен базарлардың жұмысы тоқтатылады.

Қаулы 21 наурыз сағат 00:00-ден бастап күшіне енеді және 28 наурызға дейін қолданыста болады.