Еліміздегі азық-түлік бағасының құны шарықап барады. Сырттан келетін өнімді айтпағанда, отандық өндірушілердің өзі тауар бағасын 20 пайызға өсіріп отыр. Халық көп тұтынатын азық түрлері: ұн, сұйық май, ет, қант және сүт бағасы соңғы үш апта ішінде 30 теңгеге дейін көтеріліп отыр деп хабарлайды
Қымбаттағандардың қатарында құрылыс тауарлары да бар. Мәселен, Еуропа мен Қытайдан келетін түсқағаздан бастап, темір шатырлардың бағасы да шамамен 40 пайызға өскен. 15 күн бұрын құтысы 1500 теңге тұрған бояулар қазір базарда 2 мыңнан сатылуда. Шымкентте үй құрылысын бастағандар жарты жолда еріксіз жұмысын доғаруға мәжбүр.
