Әлеуметтік желіде параплан электр желісіне соқтығысып, жолға құлаған видео тарады. Видео nash_issyk Instagram парақшасында жарияланды.
Оқиға Алматы облысы Қарасай ауданында болғаны анықталды. Дельтапланда екі адам болған.
Облыстық қоғамдық денсаулық сақтау басқармасының баспасөз қызметі зардап шеккендердің бірінің жағдайы ауыр екенін хабарлады.
"Қарасай аудандық ауруханасына парапланнан құлаған екі адам жеткізілді. 1971 жылы туған науқас жансақтау бөліміне жатқызылды. Жағдайы ауыр. Оған аралас жарақат, жабық бас сүйек-ми жарақаты, ми контузиясы, бірнеше сүйектің сынуы диагнозы қойылды. 2004 жылы туған науқас травматологиялық бөлімшеге жатқызылды. Жағдайы орташа" делінген баспасөз қызметінің хабарламасында.
Посмотреть эту публикацию в Instagram
Пікір қалдыру