Нұр-Сұлтандағы "Нұрлы жол" вокзалына кіру тәртібі өзгертілді. Бұл туралы вокзал менеджері Батырхан Әбдікәрім хабарлады.
Вокзалға Ashyq қосымшасы арқылы мәртебесін анықтаған кез келген азамат кіре алады. Егер де азаматтарда "қызыл" және "сары" түс көрсетілсе вокзалға кіруіне рұқсат жоқ
– Вокзалға жолаушылармен қатар, шығарып салушылар мен күтіп алушы азаматтардың барлығын тек қана Ashyq қосымшасы арқылы қабылдайтын боламыз, – деді Б. Әбдікәрім.
Бұған дейін "Нұрлы жол" вокзалына 17 маусымнан бастап тек Ashyq қосымшасы арқылы ғана кіруге болатыны хабарланған.
Пікір қалдыру