Елордада эпидемиологиялық жағдайға байланысты карантин шаралары тағы да күшейтіледі. Бұл туралы қала әкімдігінің ресми сайты хабарлады.

Ресми сайттағы мәліметке сәйкес, мониторинг топтары күшейтілген режимде карантин іс-шараларының сақталуын қадағалау жұмысын жүргізіп жатыр.

Сонымен қатар Ashyq жобасына кірген нысандардың жұмыс сапасын бақылау да қатаңдатылады.

Күшейтілген карантинге байланысты төмендегі нысандардың жұмысы тоқтатылады:

• жабық жағажайлар мен аквапарктер (бассейні бар);
• қалалық жағажайлар, соның ішінде шомылуға рұқсат етілмеген жағажайлар;
• ашық аквапарктер;
• серуендеуге арналған кеме құралдары (теплоходтар, катерлер, қайықтар, катамарандар, су мотоциклдері және т. б.);
• кинотеатрлар.