Қазақстандық боксшы, Рио-2016 олимпиадасының күміс жүлдегері Василий Левит Токио олимпиадасынан шығып қалды.
91 келіге дейінгі салмақтағы отандық боксшы испаниялық Эммануэль Рейеске жол берді. Ол екінші раундта нокаутқа түсті.
Василий Левит медальға талас жолындағы Қазақстанның басты үміттерінің бірі болған.
Бүгін сондай-ақ 69 келі салмақ дәрежесінде сынға түскен Абылайхан Жүсіпов америкалық Джонсон Делантемен кездесіп, 1:4 есебімен жеңіліп қалды.
Ал Сәкен Бибосынов, Серік Теміржанов, Зәкір Сафиуллин келесі кезеңге жолдама алды.
Токио олимпиадасында бокстан Қазақстанның ерлер құрамасынан 8 спортшы өнер көрсетеді.
Пікір қалдыру