Солтүстік және Оңтүстік Корея байланыс желілерін қалпына келтірді.

Жақында Ким Чен Ын екі жақтың байланысын қалпына келтіруге дайын екенін айтқан.

Алайда Пхеньян олардың қарым-қатынасын қалпына келтіру "Оңтүстік Корея билігінің көзқарасына" байланысты екенін айтты.

Солтүстік Корея жақында өзінің әскери сынақтарын үдете түсті.

Бір айға жетпей төрт зымыран ұшыру арқылы Пхеньян қару-жарақ өндірісін бәсеңдетуге ниеті жоқтығын білдірді.

Дүйсенбі күні таңертең Оңтүстік Кореяның бірігу министрлігі екі кореялық шенеуніктердің телефон арқылы сөйлескенін хабарлады. Бұл тамыз айынан бері алғаш рет болып отыр.

"Оңтүстік пен Солтүстіктің байланыс желісінің қосылуы арқылы үкімет корейаралық қатынастарды қалпына келтіруге негіз қаланды деп бағалайды" делінген министрліктің хабарламасында.

Екі жақтың байланыс телефондары бірнеше рет тоқтатылған.

2020 жылы Солтүстік пен Оңтүстік арасындағы сәтсіз саммиттен кейін Пхеньян байланыстарды жақсарту үшін салынған корейаралық шекара кеңсесін жарып жіберді.

Сол жылы Солтүстік Корея шиеленіс күшейгеннен кейін оңтүстікпен барлық байланыс желілерін, соның ішінде көшбасшылар мен әскери байланыс арналары арасындағы сенім телефонын үзді.

Сенім телефоны осы тамызда қалпына келтірілді, бірақ Оңтүстік Корея АҚШ-пен бірлескен әскери жаттығуларға қатысқаннан кейін қайтадан үзілді.

Солтүстік және Оңтүстік Корея техникалық тұрғыда әлі де соғыста, себебі 1953 жылы Корея соғысы аяқталған кезде бейбіт келісімге қол жеткізілмеді.