1 қыркүйек білім күні Созақ ауданында үш бірдей білім ордасы ашылды. Созақ ауылындағы 600 орындық Науай жалпы орта мектебі, Шу елді мекеніндегі 150 орындық Ж. Қаламбаев мектебі және Қарағұр ауылына қарасты Шаға елді мекендегі 150 орындық С. Бақбергенов мектебі пайдалануға берілді. 
Ә. Науай мектебінің ашылу салтанатына қатысқан аудан әкімі М. Исаев: «Бүгінге дейін Суындық орта мектебінің құрылыс жұмыстары аяқталып, пайдалануға берілген болатын.  Міне бүгін ауданымызда үш бірдей жаңа мектеп,  Ж. Қаламбаев (Шу ауылы), С. Бақбергенов (Шаға елді мекені), Науай (Созақ ауылы) жалпы орта мектептерінің құрылысы аяқталып, 1 қыркүйек  білім күні мерекесінде, пайдалануға беріліп отыр. Білім беру саласы мемлекетіміздің үлкен қолдауында екендігі белгілі. Ауданымызда жаңа білім ошақтары салыну жұмыстары мұнымен тоқталып қалмайды. Мәселен  Аққолтық,  Абай елді мекендеріндегі  Уалиханов, Иманов жалпы орта мектептерінің құрылыс жұмыстары басталды, келер оқу жылында пайдалануға беріледі. Бүгінгі таңда білім ошақтарының 91 пайызы типтік мектепте орналасқан. Бұл тұрғыдан облыста бірінші орындамыз» дей келе ауыл тұрғындарын жаңа ғимараттың ашылуымен құттықтап, жас түлектерге жаңа оқу жылында сәттілік тіледі. Мереке күнімен құттықтаған аудандық маслихаттың хатшысы Б. Байғараев, ауылдық ардагерлер кеңесінің төрағасы Ө. Бөрғазиев, оқушылардың жан-жақты білім алуына барлық жағдай жасалған зәулім білім ордасының ашылуына қуанышты екенін білдіріп, білім саласына Елбасының көрсетіп отырған қолдауының зор екенін атап өтті. 
Созақ ауылында соғылған 600 орындық Ә. Новай орта мектебінің құрылысын «Обл.штабССО» мердігер компаниясы жүргізген. Мектеп құрылысы жылы өткен жылы басталып, жаңа оқу жылында толықтай аяқталды. 3,2 жер телімен алып жатқан мектеп ғимаратының аумағы 6023,07 м2 құрап отыр. Мектептің техникалық базысы соңғы үлгідегі жабдықтармен қамтамасыз етілген. Барлық кабинет соңғы үлгідегі жабдықтармен қамтамасыз етіліп, зәулім спорт ғимараты, интеративтік тақта, мультимедия-лингафон кабинеттері орналақан. 
Сондай-ақ, дәл осы білім күні Шу ауылындағы Ж. Қаламбаев, Қарағұр ауылына қарасты Шаға елді мекендерінде С. Бақбергенов атындағы жаңа мектептердің ашылу салтанатты өтті. Аталған шараға аудан әкімінің орынбасарлары С. Еденбаева мен Б. Әлмағанбет қатысып ауыл тұрғындарын жаңа ғимараттың ашылуымен құттықтап, мектеп оқушыларына игі тілектерін арнады. 
Созақ ауданында жақын арада демеушілер есебінен салынған Тасты ауылындағы 80 орындық, Құмкент 70 орындық жекеменшік балабақша және Суындық пен Шаға елді мекендерінде ескі мектептің ғимараты балабақша есебінде қайтадан ашылатын болды. 
Ауданы әкімінің баспасөз қызметі

«Қамшы» сілтейді