Бүгін Шымкенттегі физика-математика бағытындағы Назарбаев Зияткерлік мектебінде «Жасампаздық пен даму жолдары» атты тақырып аясында ашық сабақ өтті. Ел Тәуелсіздігінің 30 жылдығына аралған арнайы шараға оңтүстік өңірінің 4000 оқушысы қашықтықтан қатысты.

Ел Тәуелсіздігін алғаннан кейін Қазақстан ядролық қарудан бас тартып, өзгеге елдерге үлгі болар алғашқы қадамын жасады. Бұл Елбасы Нұрсұлтан Назарбаевтың қарусыз әлем қалыптастырудағы бірінші бастамасы болатын. Сондай-ақ, Семей полигоны жабыла салысымен Невада қозғалысының орын алуы, әлемдік сын қатерлер мен қауіптің бетін қайтарды.

Тарих пәні бойынша тікелей эфир арқылы өтіп жатқан ауқымды ашық сабақта Егемендіктің 30 жылында жеткен жетістіктеріміздің бірі - Әлемдік және дәстүрлі діндер лидерлерінің съезін өткізуге байланысты сөз қозғалды. Маңызды съездің бірінші отырысы 2003 жылы өтіп, содан бері Қазақстан диалог пен өзара іс-қимылдың бірегей алаңына айналды. Әлемдік қоғамдастық пен танымал саясаткерлердің, сондай-ақ діни қайраткерлердің тарапынан елбасының бұл бастамасы жоғары бағаланды. Сонымен қатар, еліміз өркениетаралық және дінаралық диалогтың маңызды халықаралық орталығы ретінде мойындалды.

Әлемде болып жатқан сын қатерлер мен қауіптен қорғану аясында Қазақстан барынша бейбіт келіссөздер жүргізгені алпауып елдердің өзінің аузын аштырды.

Осы орайда, Сириядағы азаматтық қақтығыстарға қатысты мәселені келіссөздер арқылы шешуді, соның ішінде Таяу Шығыс аймақтарында маңызды рөл атқарады. Қазақстанның Сириядағы азаматтарын елге қайтару аясында жасаған «Жусан» операциясын да өзге мемлекеттер аса жоғары бағалады. Тәуелсіз Қазақстанның даму аспектілері жан-жақты талданған ашық сабаққа теле көпір арқылы 4 мыңға жуық оқушы қатыстырылды