7 қарашада Қарағанды облысының Абай қаласындағы шахтада жарылыс болып салдарынан 6 адам қаза тауып, 2 адам жарақат алды. Бұл туралы Қарағанды облысының әкімі Жеңіс Қасымбек Facebook парақшасында мәлімдеді.
– Бүгін сағат 08.30-да Абай шахтасында көмір мен газ жарылысы болды. Бұл кезде жер астында 64 адам болған. Қазір 52 адам жер бетіне шығарылды. Алдын ала ақпарат бойынша 6 адам қаза тапты. 2 адамның жағдайы ауыр. Қазіргі уақытта ВАСС Көмір күштері құтқару жұмыстарын жалғастырып жатыр.
Қаза болғандардың туыстары мен жақындарына көңіл айтамын, – деп жазды Жеңіс Қасымбек Facebook-те.
Пікір қалдыру