Орта салмақтағы қазақстандық боксшы Жәнібек Әлімханұлы (11-0, 7 КО) Лас-Вегаста өткен бокс кешінде жеңіске жетті, деп хабарлады Vesti.kz сайты.
Жәнібектің қарсыласы әлемнің бұрынғы чемпионы франциялық Хассан Н'Дам Н'Жикам (38-6, 21 KO) болды. Он раундқа есептелген айқас сегізіншісінде аяқталды. Алдымен Жәнібек үшінші раундта франциялықты нокдаунға түсірді, ал сегізінші раундта төреші жекпе-жекті тоқтатты. Осылайша қазақ боксшы техникалық нокаутпен жеңіске жетті.
Бұл кездесуде орта салмақта екінші дәрежелі WBO Global титулы сарапқа салынды.
Пікір қалдыру