АҚШ үкіметі ұлттық қауіпсіздік пен сыртқы саясатқа қатысты алаңдаушылық білдіріп, санкциядағы сауда тізіміне тағы оншақты қытайлық компанияны қосты.

Вашингтонның айтуынша, кейбір фирмалар Қытай армиясының кванттық есептеулер бағдарламасын дамытуға көмектесіп жатыр.

Бұл қадам Тайвань мәртебесіне және басқа да мәселелерге қатысты АҚШ пен Қытай арасындағы шиеленіс күшейген кезде жасалды.

Осы айдың басында екі ел басшыларының виртуалды саммитінде талқыланған мәселелердің бірі сауда болған.

Қытайда орналасқан сегіз технологиялық фирма Қытай армиясының кванттық есептеу күш-жігеріне көмектесті және АҚШ технологиясын Бейжің үшін пайдаланды деген күдікпен санкцияға ілінді.

Бұл нысандар тізімі бұрынғы Трамп әкімшілігінен бері ұлттық қауіпсіздік мақсатында көбірек қолданыла бастаған.