Үржар – еліміздің оңтүстік-шығысында жатқан Шығыс Қазақстан облысына қарайтын іргелі аудан. Бүгінде адам саны 80 мың болатын ауданның тыныс-тіршілігін білу үшін аудан әкімінің орынбасары Садуақасов Серікқазы Құсайынұлымен тілдескен едік. Бұл туралы "амшы порталы Айқынға сілтеме жасай отырып хабарлайды.

– Елбасы Қазақстанды дамы­ған отыз елдің қатарына қосуға жетелейтін кешенді бағдарлама ұсынды. Ол аудан көлемінде қалай жүзеге асуда?

– Ғасыр жобасы деуге тұ­рар­лық «Нұр Отан» партиясы­ның ХVІ съе­зінде ұсынған Елбасы­ның бес инс­титуттық реформасы – заман тала­бына бағытталған тың әрі серпінді қадам дер едім. Атал­ған реформада экономи­калық бағдарламаларды сапалы жүзеге асыруды және қолже­тімді мем­лекеттік қызметтерді ұсы­нуды қамтамасыз ететін негізгі 5 бағыт қамтылды. Қазіргі таңда ел ал­дындағы маңызды міндеттерді еңсеруде «100 нақты қадам» – Ұлт жоспарының маңыздылығы ерекше. Бағдарлама­ның өз дең­гейінде жүзеге асырылуы елі­міздің жаңа белеске көтерілуіне толық мүмкіндік береді және халық­тың таңдауы мен қоғамның бола­шағына деген сенімін ны­ғайтады. Біз, нұротандықтар, Елбасының страте­гиялық ойла­рын іске асыруда оның сенімді тірегі болып табыламыз және экономикалық дамудың жоғары қарқынын және барлық аза­маттардың әл-ауқатының бұдан әрі өсуін қамтамасыз ету үшін өзімізге жауапкершілік жүктеуге дайынбыз. Қазақстанның бо­лашағын, біз, нұротандықтар, әрбір азамат лайықты өмір сүретін әрі өз балаларының болашағы үшін сенімді болатын, әр адам жеке табысқа жету және өзінің барлық қабілеттерін іске асыру үшін мүмкіндігі бар мықты мемлекет ретін­де көреміз. Әрбір қазақстандық сапа­лы біліммен, жоғары деңгейлі меди­циналық қызмет көрсетумен, жа­ла­қысы жоғары жұмыспен қам­та­масыз етілетін болады. Біз барлық ұлт өкілдері бір-бірін сыйлайтын, өзінің Отанын мақтан ететін, өмір сүру үшін ыңғайлы әрі қауіпсіз елді құрудамыз. 
– Аудандағы «Нұр отан» пар­тия­сының атқарып жатқан іс-ша­ралары туралы сөз ете кетсеңіз?
– Бүгінгі таңда «Нұр Отан» партиясы аудандық филиалының қатарында 4074 мүшесі бар. Аудан бойынша 27 бастауыш партия ұйым­дары қызмет етеді. 28 қо­ғам­дық қабылдау бөлмелері, 146 партиялық топтар жұмыс істейді. Осының бәрі партия филиалының аудан тұрғын­дарына, елге не қажет екенін біледі деп нық ай­туға толық мүмкіндік береді. Біздің баршамыз – қуатты да гүлденген Қазақстанды құрғымыз ке­леді. Біз бұған қалай жетуге бола­тын­­дығын білеміз. Үржар ауданы бойынша ҚР Президенті 
Н.Назар­­баев­тың «Нұрлы жол – бола­шаққа бастар жол» атты Жолда­уын және «Нұр Отан» партиясының «Қазақстан 2017 мақсаттары. Ұлттық іс қи­мыл жоспары» атты сайлауалды тұғырнамасын өз деңгейінде на­сихаттау мақсатында аудандық ақпараттық топтары нәтижелі жұмыс жасауда. Аудандық ақпа­раттық тобының құрамына аудан әкімінің орынбасарлары, бөлім басшылары, облыстық және аудандық мәслихат депутаттары, саяси партия, қоғамдық бірлес­тіктер мен БАҚ өкілдері енгі­зіл­ген. Аудан көлемінде ұйымдас­ты­рылған идеологиялық, мәдени жұ­мыстардың барлығы Елбасы Жол­дауын насихаттап, мемлекет саясатын дәріптеуге, қоғамдық-саяси ахуалды, бірлікті, ұлтаралық және дінаралық келісімді қол­дауға, одан әрі дамытуға бағыт­талды. 
– Биылғы жыл үлкен мереке­лерге толы. Осы жөнінде қандай игі істер атқарылуда? 
– Қазақстан халқы ассам­блея­сының жылын, Қазақстан Респуб­ликасы Конституция­сының 20 жыл­дығы, Ұлы Жеңістің 70 жылды­ғын, Қазақ хандығының 550 жылдығын, Абай Құнан­баевтың 170 жылдығын мере­келеуге байланысты аудандық ұйымдастыру және өткізу бо­йынша іс-шаралар жоспары жа­салып, бекітілді. Бекітілген жос­пардың басты бағыты ретінде ел ішіндегі саяси тұрақтылықты, түрлі ұлттар мен ұлыстар, діни құрылымдар арасын­дағы өзара түсіністікті, береке-бір­лікті, ын­тымақты сақтауға арналған іс-шаралар енгізілді. Мәселен, 1 ма­мыр мерекесіне орай «Қазақ­стан – біздің ортақ үйіміз!» атты Қазақстан халқының достығын паш ететін театр­ландырылған көрініс және кон­церттік бағ­дарлама ұйымдасты­рыл­ды. Ме­рекелік шеруге 40-қа тарта ұжым қатысып, мерекелік ша­раны аудан әкімі С.Зай­нулдин құттықтады. Орталық стадионда әртүрлі ұлттардың достығын на­сихаттайтын «Этноауыл» қо­йы­лып, ұлттық ойындар мен спорт­тық жарыстар өтті. 1 мамыр күні Қаратал ауылында Ұлы Жеңістің 70 жылдығына орай спорттық жарыстар, 2 мамыр күні Қаратал ауылында ұлттық ат спорты түр­лерінен жарыс­тар ұйымдасты­рылып, барлық 27 ауыл­дық ок­ругтен тұлпарлар қатысты. Жеңімпаздар бағалы сыйлық­тар­мен марапатталды. Аудан орталығы Үржар ауылының орталық стадио­нында Жеңістің 70 жылдық мерекесі құрметіне Мақаншы шекара отря­ды­ның сарбаздары, Ауған соғысы ар­дагерлерінің және мектептердің жас сарбаздарының қатысуымен әскери шеру өтті. Аудандық мем­лекеттік мекемелер мен кәсіп­орындардың мерекелік театрлан­дырылған көрінісі және кон­церттік бағдарлама ұйым­дастырылды. Мерекелік шара аясында Ұлы Отан соғысы арда­герлері мен Ауған соғысы ардагерлеріне арналған әскери дала асханасы ұйымдасты­рылды. Аудан әкімі атынан аудандағы 10 Ұлы Отан соғысы ардагеріне жергілікті бюджеттен 100 мың теңгеден қар­жылай көмек, 2 ардагерге баспана сатып әперілді, 1 ардагерге 130 мың теңге көлемінде үйіне күрделі жөндеу жұмысы жүргізілді. 10 ардагерге 10 плазмалық теледидар және әрбір ардагерге 15 мың теңге кө­лемінде азық-түлік дорбасы беріл­ді. Барлық елді мекендерде ардагерлер аллеясы мен батырлар ескерткіштері таза­ланып, сыр­ла­нып, көркейту жұ­мыстары жүр­гізілді. Жеңістің 70 жылдығы мерекесі қарсаңында «Туған жерге – тағзым» акциясы аясында Айтбай, Алтыншоқы, Көктерек, Шолпан, Қызыл ту ауылдарында ескерткіштер салтанатты түрде ашыл­ды. Таскескен ауылындағы «Ер есімі – ел есінде» мемориал­дық ескерт­кішіне жөндеу жұмыс­тары жүргізілді. Сонымен бірге Таскескен ауылының ипподро­мында Жеңістің 70 жылды­ғына орай ат жарысы өткізіліп, бағалы сыйлықтар табыс етілді. Ауданы­мыздың әлеуметтік-экономи­калық әлеуеті тұрақты даму жо­лына түсіп, жүйелі жұмыстар ат­қарылуда. Ендігі мақсат алды­мызда тұрған міндеттерді орындау, ауданымыздың одан әрі көркеюі, экономикасы мен халықтың әлеуметтік жағдайын жақсарту жолында тиісті жұмыстарды одан әрі жалғастыру болып қала бермек.