Америка Құрама Штаттары Біріккен Ұлттар Ұйымына Ресей Украинаға басып кірген жағдайда адам құқықтарының өрескел бұзылу қаупі туралы сенімді ақпарат бар екенін айтты.

Вашингтонның ақпаратынша, Ресей адам ұрлау немесе азаптау сияқты қиянат жасауы мүмкін.

Сонымен қатар, Франция президенті Эммануэль Макрон АҚШ президенті Джо Байден мен ресейлік әріптесі Владимир Путин кездесуге келіскенін мәлімдеді.

"АҚШ президенті Джо Байден Ресей президенті Владимир Путинмен Украина дағдарысын талқылау үшін саммит өткізуге негізінен келісті" деп хабарлады Әл-Жазира телеарнасы.

Ақ үйдің ақпаратына сәйкес, Франция ұсынған келіссөздер Ресей өз көршісіне басып кірмеген жағдайда ғана өтеді.

"Кездесу Еуропаның соңғы онжылдықтардағы ең ірі қауіпсіздік дағдарысына ықтимал дипломатиялық шешім ұсына алады" деп күтілуде.

АҚШ шенеуніктері "Ресей әскери операцияны бастауға дайын" деп болжайды, ал Мәскеу мұны жоққа шығарады.

Бұл ұсыныс Франция президенті Эммануэль Макрон мен Владимир Путин арасындағы телефон арқылы үш сағатқа созылған әңгімеден кейін жарияланды.

Сонымен қатар Макрон  Байденмен 15 минуттай әңгімелесті.

Макрон кеңсесі ықтимал саммиттің егжей-тегжейлері бейсенбі күні болатынын жариялады. Ол бейсенбі күні АҚШ Мемлекеттік хатшысы Антони Блинкен мен Ресей Сыртқы істер министрі Сергей Лавров арасындағы кездесуде маңызды дипломатиялық мәселелер талқыланатынын айтты.