БҰҰ басшысы Ресей-Украина арасындағы "соғыс тоқтауы керек" дейді.

Нью-Йоркте өтіп жатқан Біріккен Ұлттар Ұйымы Бас Ассамблеясының Украина бойынша арнайы сессиясында сөйлеген сөзінде БҰҰ Бас хатшысы Антониу Гутерриш соғысты тоқтатуға шақырады деп күтілуде.

"Бүкіл елде (Украинада) әуеде, құрлықта және теңізде соғыс жалғасып жатыр. Оны қазір тоқтату керек. Ресейдің зымырандары мен әуе бомбалары Украина қалаларын күні-түні қиратып жатыр. Ел астанасы Киев қоршауда және (орыс әскерлері) барлық жағынан шабуылдауда.

Азаматтардың, соның ішінде балалардың өліміне әкеліп соқтыратын бұл күшейіп келе жатқан зорлық-зомбылыққа мүлде төзуге болмайды. Жетеді. Сарбаздар казармаларына оралуы керек. Көшбасшылар бейбітшілікке көшуі керек" деді ол.

Гутерриш Украинаның халықаралық мойындалған шекаралармен шектесетін егемендігі, тәуелсіздігі мен аумақтық тұтастығын сақтау керектігін айтады деп күтілуде.