– Біз жергілікті жерлерге барып, облыс орталықтарының инфрақұрылым, жылжымайтын мүлік объектілерінің болуын, әкімшілік ғимараттарды сатып алу, жалға алу және жөндеу қажеттіліктеріне әзірлігін зерделеп, талдадық. Жалпы, жаңа облыс орталықтарында мемлекеттік органдар мен қызметкерлердің жұмыс істеуіне қажетті әкімшілік ғимараттар бар. Бүгінгі таңда жергілікті атқарушы органдар облыс орталықтарындағы әкімшілік ғимараттарды сатып алу, жөндеу, жалға беру үшін қажетті бюджет қаражатының алдын ала көлемін анықтады. Алдын ала жалпы қажеттілік шамамен 12 млрд теңгені құрайды. Бюджет қаражатын бөлу мәселесі Қазақстан Республикасының бюджет заңнамасында айқындалған тәртіппен қаралады, – деді министр.
Ұлттық экономика министрі Әлібек Қуантыров Орталық коммуникациялар қызметінде өткен брифингте жақында жаңа әкімдері тағайындалған облыстардың мәслихаттар сессиясында облыстарды басқару схемасын бекіту мәселелері шығарылатынын, енді облыстық басқармалар құрылып, тиісті кадрлық тағайындаулар жүргізілетінін мәлім етті.
Сөзінше, үкімет тиісті қаулы қабылдап, оған қосымша бірліктер бөле отырып, қайта құрылған және құрылған облыстар аумағындағы әкімдіктердің штат санының лимиттері белгіленген.
Министр сондай-ақ жаңадан құрылған облыстарда аумақтық бөлімшелері құрылатын орталық мемлекеттік органдар үшін штат санын белгілеу бойынша жұмыс жүргізіліп жатыр. Кейін өңірлерде бюджет пен коммуналдық меншікті облыстар арасында бөлу жұмыстары басталады.
Пікір қалдыру