Қазақстанда жыл басынан бергі жеті айда 356 кісі өлтіру, 181 адам өлтіруге оқталу дерегі тіркелген. Бұл былтырғы сәйкес кезеңге қарағанда айтарлықтай көп, деп жазады Ranking.kz сайты.
Бұдан бөлек жеті айда анасы жаңа туған сәбиін өлтірген 4 жағдай, өзін қорғау кезінде кісі өлтіріп қойған 5 жағдай, абайсыздағы адам өліміне соқтырған 28 жағдай, өзін өлтіруге дейін жеткізген 858 жағдай тіркелген.
Аймақтық бөлініске келсек, ең көп құқықбұзушылық Алматыда байқалып отыр. Елдегі ең ірі қалада жеті айда 160 кісі өлтіру мен қастандық жағдайлары тіркелген. Бұл былтырғы сәйкес кезеңнен 4,2 есеге көп. Екінші, үшінші сатыда Алматы (49) мен Шығыс Қазақстан облыстары (48) тұр.
Ел бойынша кісі өлтіру қылмысын ашу көрсеткіші 93,9 пайызды құраған. Жамбыл, Ақтөбе, Батыс Қазақстан, Маңғыстау облыстарында жасалған қылмыстардың барлығы ашылған. Төменгі көрсеткіш Алматыға тиесілі. Алматыда кісі өлтіру қылмыстарының 76,9 пайызы ашылған.
Пікір қалдыру