Оксфорд университеті мен америкалық қатерлі ісік қоғамының ғалымдары 35 жасқа дейін темекіні тастаған адамдар қатерлі ісік, жүрек және төменгі тыныс жолдарының ауруларынан болатын өлім қаупін 100%-ға төмендететінін анықтаған зерттеу жариялады. Зерттеу барысында 45 жасқа дейін темекіні тастағандар арасындағы өлім қаупі 90%-ға, 45 жастан 64 жасқа дейінгі аралықта 66%-ға азайғаны белгілі болған.

«ДДҰ-ның пікірінше, адам денсаулығы 8-10% ұлттық денсаулық сақтау жүйесінің жұмысына байланысты, бірақ жауапкершіліктің 50%-дан астамы адамның өзіне және оның өмір салтына байланысты. Зерттеу нәтижелері егде жаста да темекі шегуден бас тарту өлім қаупін айтарлықтай төмендететінін көрсетеді. Бірақ психологиялық тәуелділікке байланысты темекіден бас тарта алмайтындар не істей алады? Зиянды азайту тұжырымдамасы темекі шегуден бас тартқан кезде денсаулыққа қауіп төндірмейтін баламаға көшуді ұсынатын заманауи шешімдердің бірін ұсынады. Яғни, темекіні жану процесі жоқ түтінсіз темекілерге ауыстыру. Нәтижесінде темекі шегушінің денесіне зиянды заттардың әсері азаяды, бұл темекі шегуден біртіндеп бас тартуға әкеледі» деп түсіндірді дәрігер және «Денсаулық ұлттық қауымдастығы» ЗТБ төрағасының орынбасары Гинтаутас-Юозас Кентра.

Зерттеу үшін ғалымдар 1997 жылдың қаңтарынан 2018 жылдың желтоқсанына дейін жиналған АҚШ-тың Ұлттық денсаулық сауалнамасы мен Ұлттық өлім-жітім индексінің мәліметтерін пайдаланған. Зерттеуге 550 мыңнан астам адам қатысқан. Олардың  55,8%-ы әйел, 44,2%-ы ер адам. Қатысушылардың орташа жасы 49 жасты құрайды.

Ғалымдар темекіні 40-45 жастан кешіктірмей тастау керек деп кеңес береді.