Ресей қазақ студенттеріне бөлінетін грант санын арттырған. Өткен жылы Ресейде білім алу үшін қазақстандықтарға 500 грант бөлінсе, биыл грант саны 700 ге артқан.
Білім грантының жеңімпаздары ресейлік жоғары оқу орындарында тегін оқып, жатақханадан орын және шәкіртақы алады, деп хабарлады rambler.ru порталы.
"Оқу тегін, оған қоса жатақхана беріледі, студенттердің қалай оқитынына қарамастан шәкіртақы төленеді. Тіпті, үшке оқитын студенттер де шәкіртақы алады", – деді Россотрудничествоның Астанадағы өкілдігінің басшысы Ольга Филонова.
Еске сала кетейік, қазір Ресейде 60 мыңнан астам қазақстандық студент білім алып жатыр.
Пікір қалдыру