1 маусым – халықаралық балаларды қорғау күні. Қазіргі таңда елімізде 6 млннан астам бала бар. Бұл Қазақстан халқының 31 пайызын құрайды. Алайда сол балалардың құқығы қорғалып жатыр ма?

Статистика бойынша еліміздегі балалардың 63 пайызы буллинг куәгері болса, 44 пайызы дискриминация құрбаны атанған. Ал мектеп оқушыларның 24 пайызы өз қатарластарына қысым көрсеткен.

Қазіргі қоғамның өзекті мәселелерінің бірі — балалар арасындағы суицид. 2020 жылы – 144, 2021 жылы – 175, ал 2022 жылы 155 балалар суициді тіркелген. Әсіресе соңғы жылдары Қазақстанның төрт өңірінде балалар суициді күрт көбейген.  Wisevoter есебіне сәйкес, 2023 жылы Қазақстан суицид статистикасы бойынша 178 елдің ішінде 19 орында тұр.

Сонымен қатар, 2019 жылғы көрсеткіш бойынша педофилияның 2800, 2020 жылы 1350 фактісі тіркелсе, 2021 жылы 1861 педофил түзету калониясына түскен.