Астанада «Жастар» сарайында жастарға арналған бос жұмыс орындары жәрмеңкесі ұйымдастырылды. Дәстүр бойынша жәрмеңкеге түрлі салалардан – банктерден, мұнай-газ саласынан, мемлекеттік әлеуметтік қызметтерден және басқа да салалар бойынша жұмыс берушілер арнайы шақырылды, деп хабарлайды Астана әкімдігінің ресми сайты.

Бүгінгі таңда жұмыс берушілер бос орындар жәрмеңкесін өткізеді, сондықтан ниет білдірушілер таңдау жасай алады. Онда таңдалған бағыт бойынша қосымша кеңес алуға болады. Мәселен, 24 мамырда «Жастар» сарайында 16 компания қатысып, жастарды жұмысқа орналастыру аясында 273 жұмыс орнын ұсынуға дайын. Жұмыс берушілер арасында банктер, үкіметтік ұйымдар, аграрлық компаниялар және т.б. бар. Ұйымдастырушылар жұмыспен қамтудың дәл осы форматының тиімділігі туралы айтып берді.

Астана қаласы әкімдігінің халықты жұмыспен қамту орталығының директоры Бақытбек Қабжанов атап өткендей, бос орындар жәрмеңкесіне жастар өте белсенді келіп, жұмыс берушілердің ұсыныстары мен стартаптарды қолдау бағдарламаларына қызығушылық танытуда.

«Өскелең ұрпақ өкілдері бүгінде әлеуметтік желі арқылы тілдесіп, ақпаратпен өте жылдам алмасуда. Барлығы enbek.kz порталындағы бос жұмыс орындарын байқаған соң онлайн-тіркеуден өтіп, жауап алады. Сондай-ақ біз осындай офлайн жәрмеңкелерді жылына 30-40 рет әртүрлі орындарда өткіземіз. Оларға тек жұмыспен қамту орталығы ғана емес, жастар саясаты басқармасы, әкімдік және басқа да ұйымдар қатысады. Біздің жастар белсенді, кездесуде қойылатые сұрақтары да аз емес. Біз осындай жәрмеңкелерде қойылған сауалдарға жауап беріп, түсініксіз тұстарын кеңінен түсіндіріп береміз», – деді қалалық жұмыспен қамту орталығының директоры Бақытбек Қабжанов

Ұйымдастырушылардың мәліметінше, жыл басынан бері халықты жұмыспен қамту орталығына 8 210 жас азамат жүгінген. Кәсіпкерлікті дамыту жөніндегі 2021-2025 жылдарға арналған ұлттық жоба шеңберінде жастарды жұмысқа орналастыру жөніндегі шаралармен 5500 адам қамтылды.

«Қазпошта» АҚ өз кезегінле Жұмыспен қамту орталығымен белсенді байланыс орнатып, жас мамандар үшін бос жұмыс орындары бойынша кең таңдауын ұсынады. Ұсынылған нұсқалардың қатарына курьерлер, тасымалдаушылар, жүргізушілер, пошташылар және басқа да жұмыс орындары кіреді. Тәжірибеден өткеннен кейін әркімнің штатта қалуға, бізбен бірге кәсіби түрде шыңдалуын жалғастыруға мүмкіндігі бар», – деді «Қазпошта» АҚ HR секторының жетекшісі Айна Алиакбарова.

Іс-шара аясында жастарды жұмыспен қамту және шағын несиелендіру шараларымен таныстыру мақсатында Жұмыспен қамту және әлеуметтік қорғау басқармасы, Астана қаласының жұмыспен қамту орталығы және «Аграрлық несие корпорациясы» АҚ филиалының өкілдерімен кездесу өткізілді. 

Айта кету керек, Қазақстан Президентінің «Әділетті Қазақстан: бәріміз және әрқайсымыз үшін. Қазір және әрдайым» бағдарламасын жүзеге асыру аясында жас кәсіпкерлер конкурстық негізде жеңілдетілген кредит ала алады. 2023 жылы «Аграрлық кредиттік корпорация» АҚ жастарға кредит беру агенті болып белгіленді, ал негізгі үйлестірушілер басқару және Жұмыспен қамту орталығы атынан жергілікті атқарушы органдар болды.

«Бағдарлама 3 жыл мерзімге есептелген, оның барысында кредиттер берілетін болады. Республикаға бөлінген жалпы бюджет 28 млрд теңгені құрайды, оның ішінде Астанаға 1,5 млрд теңгеден астамы қарастырылған. Бір қарыз алушы үшін орташа чек – 1 млн теңге. Жалпы елорда бойынша 600 жобаны жүзеге асыруды жоспарлап отырмыз», – деп атап өтті «Аграрлық несие корпорациясы» АҚ филиалының директоры Әсет Көшкінбаев.

Оның айтуынша, бүгінгі таңда 500 млн теңгеге өтінім қабылданып, 100-ге жуық қарыз алушы өтініш білдірген, оның 40%-ы қаралған. Мақсатты пайдалануды растау мерзімі – 90 күн. Егер қарыз алушы осы мерзімде қандай да бір форс-мажорлық жағдайларға байланысты жинақталмаса, ол нысаналы пайдалану бойынша кейінге қалдыруды ұсыну үшін корпорацияға жүгінуге құқылы. Егер қарыз алушы кредитті нысаналы мақсаты бойынша пайдаланбаса не растау мерзімдерін кешіктірсе, айыппұл көзделеді.

Кездесуде студенттерге жастар үшін жүзеге асырылып жатқан жобалар туралы егжей-тегжейлі түсіндірілді. Сондай-ақ, елордалық жастармен ашық диалог барысында келушілерге жастарға арналған шағын несиелер, Жұмыспен қамтуға жәрдемдесу шаралары, оның ішінде «Жасыл ел» бағдарламасы бойынша ақпарат берілді.