Астана қаласы Байқоңыр аудандық №2 сотының судьясы Бағлан Ыдырысов экс-министр Арыстанбек Мұхамедиұлы мен өзге де айыпталушыларға қатысты іс бойынша 43 миллион теңге өндіру туралы шешім шығарды.

"Мұхамедиұлы, Нұразхан, Көшенов және Садуақасовадан 43 миллион 829 мың 114 теңге материалдық шығын мемлекет пайдасына өндірілсін. Осы үкiм заңды күшiне енген күннен бастап сотталғандарға азаматтық талап бойынша сот үкiмiн өз еркiмен орындау үшiн бiр ай мерзiм белгiленсiн. Көрсетілген мерзім өткеннен кейін азаматтық талап тұрғысынан үкімді орындамаған жағдайда мәжбүрлі" – деді судья.

Тергеу барысында Арыстанбек Мұхамедиұлы 111 миллион теңгеден аса шығынды ішінара өтегенін атап өтті.

Сот мынадай шешім шығарды:

Әрбір сотталған адамнан – Мұхамедиұлы, Нұразхан, Көшенов, Сәдуақасовадан мемлекет кірісіне 328 мың 718 теңгеден мемлекеттік баж өндіріп алынсын;

Әрбір сотталған адамнан – Мұхамедиұлы, Нұразхан, Көшенов, Сәдуақасовадан процестік шығын үшін мемлекет кірісіне 855 мың 343 теңгеден өндіріп алынсын;

Әрбір сотталған адамнан жәбірленуші пайдасына 20 АЕК, 55 мың 560 теңге мөлшерінде мәжбүрлі төлем өндіріп алынсын;

Көшеновтың мүлкінен – УАЗ 390945 маркалы көлік құралына, Астана қаласындағы Ұлы дала, 7/7 мекенжайындағы пәтерге, Ұлы дала, 7/2 мекенжайындағы тұрақ орнына азаматтық талап қою бөлігінде үкімнің орындалуын қамтамасыз ету үшін салынған тыйымды сақтау;

Сондай ақ, Мұхамедиұлының мүлкінен Toyota Camry маркалы көлік құралына салынған тыйымды сақтау.

Еске сала кетейік, кеше бұрынғы мәдениет министрі Арыстанбек Мұхамедиұлы 8 жылға сотталған болатын.