Биыл облыстық мәдениет, мұрағат мекемелеріне мемлекеттік бюджеттен 1 млн 651 мың теңге бөлініп, 99,9% игерілді.
Оның ішінде күрделі жөндеу жұмыстарына 545,6 млн теңге қарастырылды. Облыстық мәслихат шешімімен бюджетке қосымша 16,7 млн теңге бөлінді.
Бүгінде мәдениет және мұра­ғат мекемелерінің желісіне 562 нысан кіреді. Оның ішінде: 245 мәдениет үйлері мен клубтар, 268 кітапхана, 21 музей, 2 галерея, 19 мұрағат, 5 облыстық мәдениет меке­мелері және 2 видеомобиль бар.
Биыл облыстық мәдениет меке­мелерінің саны Панфилов ауданының Диханқайрат ауылдық клубы мен кітапханасы, Талды­қорған қаласының Еңбек ауылдық клубымен толықты. 8 мәдениет ны­сандарына күрделі жөндеу жұ­мыс­тары жүргізілуде. Мемлекеттік бюджеттен Қарасай аудандық мәдениет үйі мен Талғар аудандық кітапханасы, жергілікті бюджет­тен Бикен Римова атындағы об­лыс­тық драма театры, Жамбыл ауданындағы Сүйінбай және Жам­был музейлері, Қапшағай қала­лық кітапханасы, Ескелді ауданындағы Н.Алдабергенов музейі және Балқаш ауданындағы Бақбақты ауылдық мәдениет үйі­нің жөндеу жұмыстары аяқталды.
Биылғы жылдың 9 айында 31 мыңнан астам шара өткізіліп, 5 млн 350 адам қамтылды. 2014 жылғы 9 айда өткізілген шараларға қарағанда 10 пайызға артты. Осы кезеңде облыстық мәдениет ме­кемелері 15 миллионнан астам теңгеге ақылы қызмет атқарды. Өткен жылмен салыстырғанда, Сүйінбай атындағы облыстық фи­лармонияның репертуары жаңар­тылып, өткізген концерттерінің са­ны 53-ке артып, 139-ға жетті. Оның ішінде 45 гастрольдік сапар бар. Ал «Құлансаз» фольклорлы-этнографиялық ансамблі биыл 2440 адамның қатысуымен 38 концерт ұйымдастырды. Оның ішінде 10-ы – гастрольдік сапар. Бикен Римова атындағы облыс­тық драма театры сахнасында 60-қа жуық спектакль қойылып, 8 мыңдай көрермен қамтылды. Күрделі жөндеу жұмыстарына 95,6 млн теңге қаржы қарасты­рылды.
Сөйтіп, барлық мәдениет үйлері мен клубтарда өткен жылы 21 мыңнан аса шара өткізілсе, биыл 24 мыңға жуық іс-шаралар ұйымдастырылып, аудандық, қалалық мәдениет үйлердің табы­сы 28 млн теңгеден асқан. Клуб құрылымдарының саны – 1102-ге өсіп, қатысушылар саны 15481-ге жетті. Соңғы үш жылда «Халық­тық» және «Үлгілі» атағы бар 65 ұжым қызмет көрсетсе, 2015 жыл­ғы 30 наурыздағы Қазақстан Республикасы Мәдениет және спорт министрлігінің №120 бұй­ры­ғымен 23 ұжымға толығып, жалпы саны 88-ге жетті. 
Барлық кітапханаларға 83 мың­нан астам кітап алынып, кі­тап қоры 5 млн данадан асты. Биыл «Ұрпаққа ұран болған ұлы Жеңіс», «Жетісудың жеңімпаз жауынгерлері», «Ақыл парасаты» атты жаңа кітаптар оқырмандарға жол тартты.
400-ге жуық экспонаттар қам­тылған галереяларда 149 экскур­сия, 39 лекция, 35 көрме өткізілді. 61 мыңнан асатын экспонаттары бар музейлерде 1740 экскурсия, 258 лекция, 232 көрме өткізілді. Облыста жалпы, 2333 тарихи және мәдениет ескерткіштер тіркелген. Ұлы Отан соғысы жылдарына арналған 120 ескерткішке жөндеу жұмыстарын жүргізуге 100 млн 500 мың теңге бөлініп, аудан, қала әкімдіктері тарапынан барлық ескерткіштерге абаттандыру, таза­лау, мәдени нысандарды жөн­деу мен қорғау бағытындағы жұмыс­тар жүргізілді.
Мұрағат мекемелері 25867 та­қырыптық және әлеуметтік-құ­қық­тық сұранымдарды орындады. «Ақпаратты Қазақстан – 2020» мемлекеттік бағдарламасына сәй­кес, «Құжаттардың бірыңғай элек­­трон­дық мұрағаты» ақпарат­тық жүйесін құруды облыс бойын­ша мұрағат мекемелері биыл элек­трон­дық жүйеге 3727 қордың 8965 тізімдемелерін енгізді.

Дереккөз: Айқын-ақпарат