Түріктің атақты ойшылы, ислам ғалымы Фетуллах Гүлен, 13 қараша күні Франция астанасы Парижде орын алған жарылысты қатал сынға алып, көңіл айту хатын жариялады. Ф.Гүлен өз хатында кез келген террорлық әрекет қай жерде және қандай мақсатпен ұйымдастырылса да, адамзат үшін аса қауіпті әрі үлкен күнә екендігін жазған. Бұл туралы «Қамшы» порталы Cihan.com.tr–ге сілтеме жасап хабарлайды.

 « ....  13 қараша, жұма күні кешкілік Парижде орын алған қайғылы оқиғаға өз көңілімді білдіремін. Қай жерде және кімдер тарапынан ұйымдастырылса да  кез келген террорлық әрекет тыныштықтың іргесін сөгіп, бейбіт тұрғындардың берекесін кетіреді. Осыған сәйкес, Францияда болған террорлық әрекет, тек қана француз халқына емес, жалпы адамзатқа жасалған, адами құндылықтарға жасалған қиянат», -  деп жазған өз хатында Ф.Гүлен.

Мәселенің мән жайын ашып жазар болсақ, өткен аптада Францияда террорлық әрекет орын алған болатын. Соңынан белгілі болғандай, 130-дан астам жазықсыз жандардың өмірін жалмаған Париждегі террорист-содырларлардың қолымен жүзеге асырылған жарылысты ИШИМ ұйымы өз мойнына алған болатын.

«Қандай себеппен және қандай мақсатта ұйымдастырылса да, ешқандай да террорлық әрекеттердің ақталмайтындығына тағы да назар аудартамын. Жазықсыз жандардың ажал құшуларына себеп болған барлық террорлық әрекеттерге лағнет болсын!

Құрбан болғандардың отбасыларына, жақындарына және Франция халқына қайғыларына ортақтасып, көңіл айтамын.

Ұлы Жаратушымыз барлық адамзатты бейбітшілік пен тыныштықсын деп тілеймін. Барша жанды да осыған тілектес болуға шақырамын», -  деп бітірген сөзінің соңын Ислам ғұламасы. «Мұсылманның террорист болуы мүмкін емес, террорист те мұсылман бола алмайды», -  деп әлемде терроризмге орын жоқ екендігін айтудан танбай, терроризмді түбімен құртуға үндеп келген ғалымның бұл хаты назардан тыс қалмады.

Бауыржан Карипов